Dear dad

I was once a people`s person, I used to love talking to my friends and going out and family visits.

Now I hate all of that, it is like I have been replaced with someone else.

I have no idea why did I turn into that aggressive creature, what was the cause of my dramatic change?

I need to know so that I can go back to the old me . do you think I can go back or this is just an irreversible situation? Am I stuck with this horrible new me forever?

I just need answers daddy, and I need them now before my life collapses and turns into pieces

Dear dad

الناس كلها بتتكلم فى حوار التعدد ده , انا عارفه انه حلال و مش هنرغى فده لأنى أكيد مش هحرم الحلال و فى رجاله كتير جدا عايزه تتجوز اكتر من واحده

 مع احترامى للكل بس لا ضرر ولا ضرار مش كده ؟ لما يقدر يخلىّ المجتمع ميعاملش الزوجه الأولى على انها معرفتش تحافظ على جوزها و يعامل الزوجه التانيه على أنها خطافه رجاله يبقى يقول عايز اتجوز تانى لأن انا كده مش هتحمل غيره و بس انا هتحمل ناس بتعاملنى على انى ناقصه . و اصلا ستات كتير مطلقات و أرامل ميقبلوش يتجوزو متجوز عشان مش عايزين حد يقولهم انتو خطفتو الراجل من على مراته و اللىّ هيقولى نظره المجتمع مش مهمه يا ريت تفتكر كم البنات اللىّ بترضى باى راجل و السلام عشان متسمعش
كلمه عانس و غيرها تموت ولا تسمع مطلقه و كتير يستحملو اى حاجه و لا سمعو كلمه خطافه رجاله

ثم أنا بحس ان الراجل اللىّ عايز يتجوز تانى بيبقى دايما شايف ان التانيه اللىّ هيتجوزها دى فيها كل حاجه مش فى الاولى و بينسى أن فيه عيوب موجوده فى الستات كلها هوّ هيخليها الطاق طاقين !

كل الرجاله بتشتكى ان الستات بتعيّط من غير سبب منتا كده هيبقى عندك أتنين بيعيطو من غير سبب ! و اتنين بيسألوك روحت فين و جيت منين مش هتبقى هارون الرشيد قوى زى منتا فاكر .

كل راع و كل مسؤل عن راعيته كده يا حلو هاتتحاسب على اتنين :)

فى بقى ستات حلها الوحيد أن الراجل يتجوز عليها ! مش عشان سنه و حلال و حرام لأ عشان يكسرها و يعدلها لأن فعلا فيه ستات متجيش غير بكده !

و فيه رجاله برضو لازم تتجوز واحده تانيه عشان تعرف قيمه الأولانيه !

Dear dad

أنا البنت الوحيده تقريبا اللىّ هننخطب لشخص بتحبه و عيزاه و مع ذلك مش طايقه يوم الخطوبه من قبل ميجى

بفكر فى اليوم بحس بخنقه رهيبه بشعه بحس أنى ممكن فى نص اليوم أسب الناس و أقوم أنهار عياط مثلا أو ازعق فى الناس كلها أقولهم أطلعو بره !

مكنتش عايزه حفله و لا عايزه أنى ألبس فستان و كنت عايزه أعمل الخطوبه فى تاريخ على مزاجى انا عارفه ان كل الناس بتقول ان المناسبه هىّ اللىّ بتعمل لازمه للتاريخ مع أن انا مش حاسه كده

كان نفسى أعملها يوم راس السنه مثلا أو يوم تاريخه يكون على مزاجى

من الأخر كان نفسى كل حاجه فى اليوم تبقى على مزاجى العروسه المفروض تقول هىّ عايزه ايه و يتعملها ده اللىّ أنا اعرفه لكن طلع اللىّ أنا اعرفه ده غلط و فى الأخر الكل مبسوط ألا أنا

هحاول أفكر أن انا مكبره الموضوع و أبسّط الدنيا و أكتب اللىّ انا نفسى فيه و أحلم بيه بدل ماحاول أحققه