و أتبع السيئه الحسنة تمحها

الجملة دى أى حد يشوفها هيعرف قدايه ربنا رحيم  لما قريتها و فهمتها أول مرة قلت ايه الجمال و الرحمة دى , بقى انا اعك الدنيا و بعدين اعمل حاج حلوة تقوم دى تمسح دى !  حاجة بجد جميله

بس عشان الأنسان غبى و بينسى قوى نسيت أن مفيش حاجة ابدا حلوه او ليها أى لازمة بتبقى سهله

تخيل بقى لما اللّى خلقك يعوز يعلمك حاجة مين أحسن منه يعلمك؟مين غيره اصلا يعرف اية اكنتر حاجة هتعلم على قفالك ؟ :)

ربنا ديما بيحاول يورينا ان الذنوب غلط عشان هىّ بجد مضرة .مضره فى طبعها و مضرة كمان عشان بتغضبه و لما قلنا لما تعمل الغلط اعمل و راه الصح كان عايز يقلنا ده لو تقدرو ! و طبعا مش هنقدر

مشكلة الذنوب انها عاملة زى الأكله الدسمه اللّى بتوجع البطن بعدها , انت لو كلت حاجة تقيلة و قمت عملت رياضة هتحرقها بس السؤال بقى هوّ انت بعد الاكله الجامدة تقدر تقوم تمشى حتى؟ و لا حتى بعد الذنب الكبير

الوحد لو ضميرة صاحى يبفضل يأنبه بعد الغلط و يخلية لا عارف يعمل حاجة حلوة و لا بيستمتع بالغلط دة

و لو معندوش تأنيب ضمير اصلا بيبقى عايش ميت و مش حاسس انه انسان كويس اصلا عشان يعمل الصح و يصلح بيه الغلط بيبقى حاسس انها بايظة بايظة

ممكن اكون انا لوحدى اللّى حاسة كدة و ممكن يكون فى حد حاسس زىّ الله اعلم :) بس الايه دى حلوتها فى سهولتها الصعبة